08.08.2007 :: 3. Heitere Comedy Open Air

d'tickets hämmer lang scho gha,
uf s'wätter eus eifach verlah


dr wätterbricht hätts ja no gseit
und mir hei ja scho e rägejagge agleit

nur hett die jagge nid würkli gnützt
vor wasser het's nume bis zum afang gschützt

d plätz si guet gsi, da chöntmer nüt säge
doch wäri da nid dä verfluechtli räge

sogar i chübelseck simmer gstiige
zum es bizeli troche bliibe

doch si die cheibe rägetropfe
au inecho, ganz ohni z chlopfe

s programm süsch wär ja nid schlächt gsi
dr eint oder ander witzig debii

doch die komiker kenne nüt
mache sich no luschtig, über die verdünnte lüt

dr peach weber ganz i sim elemänt
als samichlaus hätt ne fasch nid kännt

überzügt hett au s duo hinterletscht
mit gsang, gestik und sinnlose text

ohropax hei ihri sach au super gmacht
trotz em see um üs, heimer härzhaft glacht

doch wemmer ganz ehrlech wott si
s si au es paar enttüschige debi.... gsi

so hätt me wohl au ohni die 3 spanier buebe
guet scho hei chönne zum tröchne und ruebe

eigentli si's au gar kei buebe gsi
aber s sött sich drum reime - wenigschtens e chli

sogar üse held isch en enttüschig gsi
die alte gäg's si eifach langsam verbii

doch eigentli hämmer ja en super abig gha
ad nässi vo de chleider, dänke mer mal nid drah

s heicho hett au super klappt
hei eifach grad dr erscht bus gschnappt

denn mitem auto no hei - jede zu sich
dört dusched und baded bis wieder uftaut bisch

und gschlofe ganz tüüf und au ganz glii
läck isch dä räge doch e seich gsi!



Das sind ja ganz neue Sachen die ich mich hier traue! Für alle die es ein bisschen besser mit klartext haben! Wir waren pflotschnass, durchnässt bis in die innerste Schicht, keine einzige trockene Stelle mehr am ganzen Körper. Nässer als in der Badewanne - da bleibt wenigstens der Kopf trocken! Es war wirklich übelst! Und das Nass würde ja noch gehen, aber es war mindestens so kalt wie nass! Auf einer Skala von 1 - 10, haben wir gestern eine Nässigkeitsstufe von 20 erreicht! Also doppelt so nass, wie das nässeste Nass das du dir vorstellen kannst! Nur die ehemaligen Alkoholiker blieben trocken...



Und natürlich verzichtet man ja nicht auf seine elektronischen Begleiter wie Digicam und Händy und die mögen nasses Wasser fast noch weniger als... einfach weniger! Die muss man zuhause wieder zum trocknen aufhängen... wobei das Aufhängen beim Händy viel einfacher ist als bei der Cam - da ruft doch nie jemand an!





Und ihr denkt jetzt, ich soll mal nicht so tun, das war gestern und jetzt ist ein Tag vorbei und jetzt bin ich ja wieder trocken? Ja das hab ich heute morgen auch gedacht und setzte mich ohne darüber nachzudenken auf meinen nassen Autositz!



Es war ein einmaliges Erlebnis und ich freue mich schon auf nächstes Jahr :-)