06.11.2007 :: Ferien...

Vielleicht habt ihrs schon bemerkt, ich und mein Blog haben gerade Ferien... :-) Und da lasse ich mich gerade so gar nicht stören... :-) Von nichts und niemandem. :-) Wochenede wird dann wieder hammer... :-) Denk ich mal...:-)

Vielleicht in der zwischenzeit eine kleine Geschichte die heute beinahe entstanden ist:

 
caro sagt:
vor uhhh langer ziit hett mal e chliine chliine hamschter gläbt, ganz einsam i sim gheg... dihei bi sinere bsitzrin esther... am chiine hamschter si name isch :


susii sagt:
Hans-Ruedi

susii sagt:
de Hans-Ruedi isch en alte Hamschter gsi, isch scho sit 10 Johr bi sinere Bsitzerin gsi und het viel mit ihre erläbt.

caro sagt:
aber schinbar nid gnueg - will de Hans Ruedi (vo sinere bsitzerin au liebevoll H.R. gnänng) hett immer s gfühl gha, nie gläbt z ha .


susii sagt:
S Esther het zwar alles für ihre H.(amste)R. gmacht. Sie het em es grosses Chäfi poschtet, het alles mit pinkigem Flüsch-Fäll usgleit. Chlini Föteli vo de Familie ad Chäfig-Wand ghänkt ond ou öber s Himmelbett het er sech ned chöne beklage. Aber so richtig glücklich isch er gliich nie gsi.

caro sagt:
jede morge, nachdäm em s E.(ste)R. s zmorge as himmelbettli brocht hett, hett de H.R si jogging ahzug azoge und isch i sis ultra moderne Hamschter Power Rad gstige und het afange troime... vo de grosse wiite wält....


susii sagt:
aber s Truurige dra isch, dass er gar nid gwüsst het, wie die grossi wiiti Wält usgseht, wöu er no nie öbbis anders usser sis Chäfi gseh het. Er het zwar wohl wüsst wie Springfield usgseht, oder wär so in Queens läbt... will er vom Chäfi us zum Fährnseh gseh het, aber meh het er no ni gseh.

caro sagt:
und bsunders truurig ischer worde, wo s esthi jede morge usem huus gange isch und em tschüss gseit hett... si hett zwar äxtra immer gseit "kei angscht H.R i gange nume i chäller und chume grad wieder..." doch är isch e klevere gsi... er hett gwüsst, dass das nid stimmt, er het gwüsst, si bereist die grossi wiiti wält jede tag uf's neue! und das ohni ihn.... und er hett sech gschwore....


susii sagt:
so bald s Esther mol vergisst s Chäfi zuezdue nach em Füettere, haut er ab. Ohni Rücksicht uf Verluscht, denn goht er eifach und er het sech das scho soo mängisch vorgstellt, dass er aues scho bis is chlinschte Detail plaant het.

caro sagt:
aber s esthi isch so verdammt gwüssehaft... si hett ihre chli H.R eifach so gärn und wür um nüt ide wält s chefig offe loh und riskiere ihn z verlüüre.... und er hett gmerkt, au für das mueses e plan gäh... irgendwie muess er s esthi manipuliere, si vergässlich mache, zertreue.... und er hett gwüsst, da muess e maa häre!


susii sagt:
aber Maa z finde vom Chäfig us, das wird schwierig, das isch au im H.R. bewusst gsi. Ond so het er sini diräkti Umgäbig ume Chäfig ganz gnau aufoh beobachte, do muess öbbis sii wo nem nützt, wo nem hilft... und einisch wo ner weder ganz tüüf i sine Gedanke versunke gsi isch, isch er ufgschreckt. Verschrocke wo s Telefon näb sim Chäfi glütet het.

caro sagt:
no nie hett si das telefon diräkt näbem chefi abgleit.... die chance muess er nütze! abnäh hetter ja nid chönne, will er i sim chefig nid a weit wotscher produkt häre cho isch... näi i meine s telefon hetter nid chönne abnäh, willer ja nid cha rede... aber sms! ja das chaner... immer hetter doch glangwillt die sändige im fernseh gluegt: senden sie ein sms mit "er sucht sie" an 557  und so wiiter..


susii sagt:
ond isch under sis himmelbett kroche und het die Zahstocker füregnoh, wo ner immer vo sine Olive-Häppli gstohle het, wo ner vom Esthi becho het. er het die scho lang zum ne lange staab zämäbaschtlet und jetzt het er nume no müesse de spitz ume knickse und isch zu de Gitterstäb gsecklet und het de stab richtig telifon gfüehrt.

caro sagt:
er isch sech vorcho wie de mc gyver, nume no chli kuhler und hett sofort afange tippe "GRUSS gross blond schlank sucht netten ihn für nettes - melde dich unter This email address is being protected from spambots. You need JavaScript enabled to view it." - und hett das sofort a 920 gschickt... am nöchschte tag isch de dä gruess abdruckt worde und woooo?


susii sagt:
I de 20min und so dütlich, dass es jede 20min-Läser gseh het. Nume s Esthi nid, wöu äs ned met em Zog goht goh schaffe, aber vellecht ou besser so, ned dass sie sech ufgregt hät, aber gwunderet secher. Ond vellecht hät sie sogar de H.R. dorchschout... vellecht wär er ufgfloge, ond denn wär aues für d Chatz gsi

caro sagt:
debii hett si gar kei chatz! aber das hett ja de H.R alles iplanet gha.... und si tüflische plan isch ufgange.... und plötzlich si die e-mails vo interessierte i de esthi ihre poschtigang gflattered.... chli gwunderet het si sech scho... aber würkli drüber nochedänkt hett si nid.... und so isch ihri ufgab vo jetzt ah gsi... die "bewärbige" durezchecke und sich mit dene manne z träffe....


susii sagt:
ond sie het sech met mängem Maa troffe, immer wieder isch sie us de Duschi cho und het nach Parfüm gschmöckt und isch ganz uuftacklet gsi. Ond denn esch s emmer losgange, de H.R. het sech i sis Hamschter-Rad ghöcklet ond het gwartet... ond gwartet ... ond gwartet...

caro sagt:
mängisch hetter vor warte ganz vergässe uf was er wartet.... und i muess gestah i jetz  au grad... ah doch, er hett gwartet,, dass esthi mal vergässlech wird und s törli offe loht... und ja d chance si guet gsi, will ab und an hett s esthi ihri büti mit hei gnoh - hett s chefig no churz mitemne schwarze tüechli abdeckt und denn hett der chli H.R nume chönne ahne, was da usse um ihn passiert....


susii sagt:
ond denn, einisch am morge, isch es passiert. Es isch e Mänti gsi, er weiss es genau, wöu s Esthi d Türe am Mänti Morge emmer ganz bsunders luut zueschletzt, wenn sie goht goh schaffe. Ond bi däm Lärm esch ou de H.R. verwachet ond het mit Schrecke festgstellt, dass sie vergässe het, s schwarze Tuech, wägznäh. Spinnts dere? aber no während er sich ufgregt het, het öbber s Tuech glüpft...

caro sagt:
und dr H.R erblickt e verpennte, nid bsunders pflegte maaa miteme riiiiiiese buch - nume i boxer shorts kleidet.... im erschte augeblick hetter sech gwünscht, daser  s tüechli wieder drüber duet... und de hetter aber gfunde, wenner jetzt starch isch und si ganz ganz härzige "bitte nimm mi usem chefig und streichle mi" blick ufsetzt... de chönt das sini chance si zum usezcho!!!!


susii sagt:
ond er het sech uf sini churze hinderbei gseht und die vordere gfalltet, als wär er am bätte, het de chopf liecht schreeg ghebt und ganz unschuldig zu  däm maa ufegluegt. wo s nid grad gnützt het, het er no 3 mol blinzlet und denn het er s gseh... i däm ruuche verschlofne gsicht hei sech plötzli ganz sanfti züg afoh abzeichne...

caro sagt:
"jöööeses nei au, bisch du e härzige kärli" hetts entzückt usem use gschroue.... und er hett s türli ufgrisse de chlini H.R usegrisse, ne ufehebt  und agfange piruette mitem H.R ide hand z dräihe.... überglücklich ischer gsi und chotzübel ischs am chline H.R worde.... "stell mi ab... stell mi ab"


susii sagt:
Wo dä Maa das ghört het, het er de chli Hamschter grad loh gheie... "was hesch du gseit?" "Stell mi ab... wirds eim jo drümmlig" ond esch sälber verschrocke, dass er cha rede
 
caro sagt:
dr chli H.R hett gmeint, daser das nume lut dänkt hett, aber nei, tatsächli.... er cha rede! und hett da dezue sogar no e sehr schöni mänlichi stimm.... e richtige brummhamschter... wär hätti das dänkt! dr H.R hett nid zögered und sobald er dr bode unter de füess wieder  wahrgnoh hett ischer devo täbeled... ganz schnäll....



Wie gesagt... beinahe entstanden!

Diese Geschichte war eigentlich als "Gute Nach Geschichte" für einen MSN Kollegen von uns gedacht, aber dieser hat das gar nicht geschätzt! Deshalb fand die Geschichte auch so ..... kein Ende!